Samstag, 18. Juli 2020
Samstag, 19. Dezember 2020
Wiänacht – und p Bäizä zuä
Ja, «Schtille Nacht» und etz gitt’s Ruäh,
und weer etz will gu ässä,
ä Munet lang sind p Bäizä zuä,
chaa ds Ässä gad vergässä!
Dr Bundesraat ziäht d Schruubä-n-aa,
d Imfaäggziuunä schtiiged;
mä wett deer Wiirus nümmä haa
und möcht, ass’s wider giiget.
Ds Chrischchindäli chunnt hüür masgiärt,
händ Soorg und ä Dischtanz,
und g Gschänggli sind desimfiziärt,
mit Glooria und Glanz.
-y.
Freitag, 27. November 2020
Dreierticket abgelehnt!
Wer wird Bischof?
Verreggter nuuch as Tiärlikweelä
isch hüttigstags ä Bischoff wehlä!
Mä hätt bald ds Gfühl, ä Bischoff wehlä,
im Rittersaal vu Chuur
sig afed fascht we Tiärlikweelä
und machi d Lüüt nu suur.
Dr Papscht vu Room hätt drii paraad,
de passend-nä dä niä,
das Bischtum sig für diä dä z schaad
mer brüüchted ander hiä.
Si schigged p Voorschleeg wider häi;
dr Paapscht hätt friii Hand;
und deer bestimmt ja dä-n-äläi;
das tüäg’s ja dä nuch kand.
-y
Sonntag, 22. November 2020
Äs Wiibervolch hätt-nä erprässt!
Äs Wiibervolch häig Chölä wellä,
vum Berset Bundesrat,
dä häiged ja dä p Bundesschtellä
dä gsäit, as daas nüd gaht.
Händ p Fotänä und p Feils zerschtöört,
we wä-mä daas au müässt,
acht Schtundä lang de Frau verhöört,
veruurtäilt und nuch pbüässt.
Was sig, das wüssi ja nu äinä
und ebä nuch de Frau,
und uss dem Züüg, verbrännti Zäinä,
dä wäärdi mä nüd schlau!
-y.
Samstag, 21. November 2020
Rossböllä siged schiint’s bigärt!
Wänn’s Haber frisst, schiisst loogisch,
und zwar i ganznä Schöllä
und wuälvrschtandä bioloogisch
as Ross nu wagger Böllä
Und schiisst daas zümptig Böllä härä,
ä Huffä bliibt dä sii,
müänd d Riiter dä mit Böllä-Chärä
de Böllä zämänih.
Und Gmäindsvrsammling hätt-si gwehrt,
das sig doch Roosämischt,
und hätt deer Aatraag nämä gkehrt;
etz bliibt’s äsoo we’s ischt.
-y.
https://www.imago-images.de/fotos-bilder/pferd-kacken
An der Gemeindeversammlung Glarus-Nord gestern Abend (20.11.20) sollte eine Verordnung angenommen werden, die die Reiter verpflichtet, nach einem Ritt die Rossbollen zu entfernen. Beherzte Redner vermochten die Versammlung umzustimmen, so dass die Rollbollenentfernungspflicht herausgestrichen wurde.
Anderswo werden Reiter, deren Pferde Bollen hinterlassen, gebüsst!!??!!
Dienstag, 17. November 2020
Und plötzli hätt dr Pe Ce gschpuggt
Und plötzlich hätt dr Pe Ce gschpuggt,
niämer wäiss wohär;
ja, mit dr Ziit wiirsch schtäärnsveruggt,
alls isch nu nuuch läär!
Ä Phisching-Gauner sig’s schiint’s gsii,
hä-p-mä miir dä gsäit,
är fungget äifach äso drii
nüü-p-meh wiit und bräit.
Ä Fachmaa hätt nä wider gfliggt
oh, we bini froh!
Gottlob isch deer halt chogä gschiggt,
wäiss gad sofort wo!
-y.
Donnerstag, 22. Oktober 2020
Masgäpflicht
Etz isch-es ebä-n-ä-so wiit,
un’ gilt für jedi Schicht,
will alles halt im Argä liit,
ä schträngi Masgäpflicht.
Zwäi Gümäli um beedi Ohrä,
und ds Muul und d Nasä zuä;
per sofort hütt und nüd erscht moorä,
und p Masgägschäft händ z tuä!
Au wänn-d’ etz ds Gsicht halt muäsch vrteggä,
und niämer meh gseesch lachä,
chaasch glich, wänn-‘s sii muäs, um z vereggä
nuch schüüni Augä machä.
.y
Montag, 19. Oktober 2020
Füüf Toodesaazäigä-n-im Chäschtli
Wänn d Laubbäum p Bletter gkijä lönd,
dr Rauti hätt schu Schnee;
wänn elter Lüüt dä schtäärbä mönd,
isch truurig und tuät weh.
Im Chäschtli sind füüf Zädel dussä,
füüf liäbi Lüüt sind häi;
äs chuälet eeländ schuu vrussä
und laat üüs zrugg äläi.
Di äinä chänd und ander gönd,
‘s chunnt jedä-n-ämaal draa;
au wä-mer daas nüd all vrschtönd
und d Eebigkäit faat aa.
-y.
Es ist aussergewöhnlich, dass in unserem Dorf fünf Todesanzeigen gleichzeitig im "Chäschtli" (Aushängekasten bei der Kirche) hängen. Eine deutliche Zunahme von Todesfällen findet im Frühjahr (bei der Schneeschmelze) und im Herbst (wenn die Blätter fallen) statt. Dass aber fünf Anzeigen gleichzeitig erscheinen, ist doch eine seltene Ausnahme. Es heisst im Volksmund: "Liit überä Sunntig ä Liich im Huus, wiirt gwöhndli nuch ä zwäiti druus.", aber auch "Wänn's zwäitälät, so drittälet's."
Mittwoch, 30. September 2020
Färnseh-Wahlkampf bi dä Amis
Wuur’s uff Mundart übersetzt
gsäch mä ja dä schuu
we mä da dänand vrletzt
wiä mit Woort erschluu.
Duu bisch doch ä Lugäsiäch,
und du bisch ä Gloon,
wä-mä diich zum Bresi miäch,
wäär daas Schpott und Hohn.
Und dä du, du Witzfiguur,
gkundsch doch gaar nüd druus,
altersschwach und tumm und schtuur
‘s wäär ä Schand für ds Wiissä Huus!
-y.
Das Niveau des amerikanischen Wahlkampfs um das Präsidentenamt hinterlässt weltweit nur Kopfschütteln. Schlammschlacht, Behauptungen, Chaos, Schlötterlinge und Denunzierungen hüben und drüben. Keine konstruktiven Zukunftsperspektiven. Wie ein Boxkampf, der nur zu gewinnen ist, wenn einer den anderen technisch kampfunfähig macht. Präsidenten, die ethisch-moralisch ein Vorbild sein sollen, wollen erster Mann im Staate sein? In hundert Jahren wird die stolze Weltmacht USA sich selber so zerstört haben.
Sonntag, 20. September 2020
Füüf Chöpf für zwee Sitz
Dr Wahlkampf isch uff vollnä Tuurä
mit Fleier und Plakaat;
mä lächlet smart und hätt Frisuurä
uff mängem Inseraat.
‘s gitt Poodiä und Färnsehgschprääch,
mä tröölt vu Huus zu Huus;
isch früntli, frii und gitt-si wääch;
äm Sunntig chunnt’s dä-n-uus.
Äs gäb zwee Wahlgäng, kör-p-mä sägä,
vu füüfä bruuchis zwee;
wer nüd drfüür isch, isch drgägä,
we’s usä chunnt, chaasch gseh.
-y.
Samstag, 15. August 2020
Wo sind der Bänggli ummä-n-Obersee hiichuu?
Bim Rundwääg ummä-n-Obersee
hätt's früäner Bänggli gkaa;
etz sind de nämä niänä me
und äifach nümmä daa.
We schüü wäär's, wä-mä ruäbä chännt,
äm Fuäss vum Grappliwald
gad wer-si halt a ds Hogggä gwändt,
deer hoggeti nuch bald.
Ä Bligg i ds Wasser tuät 'so guät,
i-d Landschaft und i p Bäum;
wänn ds Vogelgzwitscher tüünä tuät,
vrsinggsch dä glii i Träum.
-y.
Seit einiger Zeit ist das Bänklein beim "Grappliruushorä", ferner etwas weiter hin-ten am Fuss des Grappliwaldes, sowie zwei Bänklein bei der Einmündung des Rundweges in das Sulzbodensträsschen bei den "Brüglen" verschwunden. Vorhanden ist das Bänklein am Südwestende des Sees bei der Rampe und bestehend sind drei Bänklein beim "Springbrunnen".
Es müssen keine "Luxusausgaben" sein, sondern durchgesägte Trämmel genü-gen. Es kann auch präpariertes "Chäferholz" sein.
Freitag, 31. Juli 2020
Hätt’s luuter Gauner obädurä?
‘s hätt fascht i allnä Schpitzäpöschtä
schiint’s uusbunt clev’ri Lüüt;
‘s gaht nu um Macht und nuch um g Chöschtä,
und sust nuch fascht um nüüt.
‘s wiirt nämä glogä und vrtuschet,
‘s göng niämer öppis aa,
wo gschaffet wiirt, wiirt mängmal pfuschet,
und ander chänd’s dä haa.
Und eebig wiirt dä prozässiärt,
bis alles dä-n-erchläärt isch;
und mäischtens wiird dä nüd prässiärt,
bis alles dä vrjährt isch.
-y
Donnerstag, 30. Juli 2020
Ä moortsmäärterlichi Hitz
Tääg hä-miir im Glaarnerland!
Schüüner nützti nüüt!
Und drzuä nuch Sunnäbrand,
ghösälet sind d Lüüt.
Blauä Himel, d Wolggä wiiss,
häiss sogaar äm Schattä.
Etli sammled Edelwiiss,
Beeri gad i Chrattä.
Und ä bsunderigä Räiz,
halbä lahm we p Flüügä.,
hätt-etz gad ä Gaartäbäiz:
Piär und groossi Güügä.
-y.
Trouvaille
Ds Roosmarii
Roosmarii
Äs gitt ä Huuffä Roosmarii,
bi üüs gitt’s halt nu äis;
und daas, wo’s aagaht, gmerggt’s gag-glii,
sust gitt’s bi üüs ä käis!
‘s hätt Zöpf, äs Gsichtli frisch und frii,
mit Meerzäfläggä tüpflet,
äs hätt ä Lismätä drbii
und mängä Buäb schuu gschtüpflet.
Äs isch ä Gschiids und passet uuf,
hätt d Uufzgi immer gmachet;
bim Säiligumpä bruucht’s viil Schnuuf,
‘s hätt ring und gäärä glachet!
-y.
Freitag, 10. Juli 2020
D Schnappsidee vu Waläschtadt
Ds Waläschtadt äm Waläsee,
isch mä ganz betroffä,
Schuälergoofä - o herjee! -
siged nämä bsoffä!
Iigkauft häig’s - ja, Sii, daas gäb’s -
p Bresidänti vu dr Schuäl,
gad ä Harass vollä Schnäpps
viil Lüüt haut's vum Schtuäl.
Und dr «Bligg» schriibt riisägrooss,
daas sig ä Skandaal!
Wuurt ä mäinä, ‘s sig ja blooss
nu ä-n-änzigs Maal!
-y.
Dienstag, 30. Juni 2020
Grüäzi sägä!
Bi üüs im Doorf isch halt nuch Modä,
as mä nuch «Grüäzi» säit;
doch immer meh tüänd-si nüd rodä,
käs «Grüäzi» wiit und bräit.
Und hütt tuät, ‘s isch ä baari Schand,
wer äim dä gad vrkunnt,
kä Schnurä meh schiär abänand.
Sind diä daa nümmä gsunt!?
Si mached Grind we p Plattäwand,
ä Lätsch, und gönd vrbii.
«Hee, duu, mer sind im Glaarnerland!
Das gilt für Grooss und Chlii!»
-y.
Sonntag, 28. Juni 2020
Donnerstag, 25. Juni 2020
Äs gitt Lüüt, de schtäärbed meh as äimaal*
Äs Grücht hätt mängmaal chuurzi Bäi,
‘so gschnäll, mä holt’s nüd ii.
Dr Vatter bringt’s vum Schtammtisch häi,
mä mäinti ‘s chännt nüd sii.
Und p Muäter hätt’s im COOP vernuu,
und ä nuch uff dr Schtraass;
äs häig schinnt's äinä muäsä guh,
und läbi nümmä raass.
‘so gkörsch we gschnäll as-d gschtoorbä bisch,
au wänn’s nuch gaar nüd schtimmt;
Wer schu ämaal vrschtoorbä-n-isch,
läbt lenger ganz bestimmt!
-y.
* nach dem Motto: "Totgesagte leben länger!"
Samstag, 20. Juni 2020
Loggerig vu dä Maasnahmä
Dr Bundesrat wiirt wider milder
und chräbset ächlä zrugg,
etz wäärded nämä d Lüüt gad wilder
si schtrütted drii, rugg-zugg!
Uud g Chilchä sind etz wider offä
und d Sitz sind nummeriärt,
etz chaamä wider ächlä hoffä
isch wider uugschiniärt.
Nu wäärdet wagger Lüüt entluu,
viil Buudä mached zuä,
wänn dä halt d Wällä zwäi will chuu
isch wieder uus mit Ruäh.
-y.
Dienstag, 16. Juni 2020
Äs Grücht vu früäner isch hüt ä «feik njuus»
Vum Naachäsägä leernisch lüügä,
händ-s’ früäner öppä gsäit.
Hütt hä-p-mä-n-eh ä blöödi Güügä,
wo Züüg i Umlauf träit.
Papiir nämm schiint’s ja alles aa;
und p Fottänä chaasch bschiissä;
und ds Fäärnseh gitt-dr Chäibä-n-aa,
‘s isch tiggämaal zum Schüüssä!
Sitt’s Mändschä gitt, wiirt wagger glogä,
wer wäiss da nuch, was wahr isch?
Mä isch dä daa fascht übrzogä,
as jedä nu ä Naar isch.
-y.
Freitag, 12. Juni 2020
Gopf! Dr Mohrächopf!
We guät isch doch ä Mohrächopf!
We süäss drininnä p Füllig!
Zäntummä bäägget-s’ wider, gopf!
Uuralt isch de Enthüllig:
Politisch sig das nüd koräggt,
vrschtoost gäg p Mändschärächt,
diskriminiäri ganz diräggt,
und daas sig ebä schlächt.
Vrbottä siged alli «Neger»!
Mä suächt ä nüüä Namä.
Pralaagged nämä p Mändschäjeger.
Etz gopfridschutz und amä!
-y.
Donnerstag, 11. Juni 2020
Was isch ächt z Bäärnä-n-obä loos?
Ich will de Herä z Bärn nüd schtöörä,
doch ninnt’s äim afed wunder,
wänn chännt ämänt ächt äntli höörä
der Bundes-Aawalt-Plunder?
Dr Lauber machi’s schiint’s nüg-guät,
äm gschiidschtä sött’r guu;
‘s wäär afed Ziit, är nähm dr Huät,
und eer will’s nüd vrschtuh.
Was gitt’s dä daa nuch z undersuächä?
Für so-n-ä hööchä Poschtä,
‘so ghör-p-mä-ìmmer lüüter fluächä,
chämm dernigs nüg-gnuäg choschtä!
-y.
Sonntag, 7. Juni 2020
Die eerschtä Chriäsi vum äigänä Bäumli
Vor Jahresfrist setzten meine Kids, Kidkids und alle, die dazugehören, in meinem Gärtchen aus Anlass meines 80. Geburtstags einen Chriäsibaum. Justament auf meinen Geburtstag trieben die ersten Kirschblüten und - wie das Timing spielt und heute, am Geburtstag meiner Mutter Maria (sie wäre heute 108-jährig), konnte ich die ersten Chriäsi "abnehmen" und probieren. Sie sind so süss und schmackhaft, dass man ins Delirium fallen könnte...!
Ds Chriäsinbäumli isch trääget…
und die eerschtä Chriäsi sind schu daa!
Färig as Gebuurtstaagsgschängg
zmitzt im chliinä Gaartä
hanged as ä früntlis Ghängg
Chriäsi – derä zaartä!
Und schu naachetämä Jahr
lached-si äim aa,
rooti Chriäsi wunderbaar
sind äm Bäumli draa.
Bim Probiärä lauf-p-mer nämä,
häi, we süäss sind diä!
ds Wasser gad im Muul nuch zämä -
und si sind vu hiä!
-y.
Sonntag, 24. Mai 2020
Gang-mer äwääg!
Hee, Mäitli! Chumm-mer nüg-gad z naach
und heb ächlä Dischtanz!
g Coroona-Wiirä ligged braach
und tööded mängä ganz!
Hee. Püürschtli! Gang ächläi äwääg!
Dr Bundesraat hätt’s gsäit;
sust bisch-dä nümmä-n-äso zwääg,
häisst’s nämä wiit und bräit.
Hee, legged etz ä Masgä-n-aa!
Und hebed p Müüler zuä!
Sust schteggäd’r-ech ja dä-n-aa!
Geduld! Dä händ’r Ruäh!
-y.
Sonntag, 24. Mai 2020
Hüür sind de Sänntä nämä früä!
Hüür sind de Sänntä nämä früä;
äs hätt ä waggers Gresli.
Und p Blanggä sind schu wagger grüä.
Dä nämmer gad äs Glesli!
Und härrgotts-früä bricht ds Sänntä-n-uuf,
und schaurig schüü isch ds Glüüt;
dr Pläss, deer bället. passet uuf,
und p Puurä trääged Hüät.
Ds Veh schället wagger und prässiärt.
Juhu, äs gaht etz z Alp!
Dr Grind mit p Bluämä schüü vrziärt,
mit Rindli Chuä und Chalb!
-y.
Die ersten Sennten zogen in der Nacht auf Donnerstag (21. Mai) obersee-talwärts zum Staafel (Obersee-Rauti).
Mittwoch, 20. Mai 2020
Ghörsch dr Vogel uffem Chämihuät?
Isch dä ds Wätter schüü und guät
und dr Himel klaar,
pfiift dett uffem Chämihhuät
chäibä schüü ä Schtaar!
Schu äm Morgä-n-eeländ früäh
und nuch nachem Znacht
gitt’r si ä chogä Müäh!
We daas Musig macht!
D Mändschä losed, Gross und Chlii,
ä dem schüünä Gsang;
hoffetli gaht p Melodii
nuch äs Wiili lang!
-y.
Samstag, 9. Mai 2020
Katatstrophe vorprogrammiert!
Das Klöntal lässt grüssen!
O herjee, Obersee!!!
Härrschaft hind’ra nuchämaal!
Hätt daas, ehrumpfeer!
Auto,Töff im Siitätaal
und umäär Vrcheer!
Nüüischtens da hämmer au,
we’s im Radio häisst,
merggli Oberseedtaalschtau,
alls dett ufä räist!
Schlangä bis i Blattärangg,
diä, wo ufä wänd.
wil-s’ und Närvä afed blangg
nümmä fürschi gkänd!
-y.
Die Nachfrage nach dem Oberseetal hat in diesem Frühjahr massiv zugenommen. Die warmen Frühlingstage lockten viel Volk ins idyllische, relativ unberührte Hochtal ob Näfels . Ob allerdings die Idylle noch besteht, wenn zum üblichen Verkehr der Oberessetaler und Schwänditaler, aber auch zu den landwirtschaftlichen Transportfahrzeugen ungezählte Autos, Motorräder, Vans, Homemobiles und Quads ins Oberseetal fahren, ist fraglich. Die enge Strasse wird zum Problem, wenn gleichzeitig eine Kolonne von Fahrzeugen hochfahren möchte, wenn ebenfalls eine Kolonne ins Tal fahren will. Die ganzen Manöver des Rückwärtsfahrens zu den wenigen Ausweichstellen bereiten Stress. Chaotisch wird es, wenn nach den einschlägigen Bestimmungen, die von oben kommenden Fahrzeuge bis zu einer Ausweichstelle zurückfahren müssen.
Es ist schön und gut, wenn man die Vorzüge dieses einmaligen Freizeitparadieses touristisch anpreist, aber nicht präventiv auch an die Begleitfolgen denkt und entsprechende Massnahmen vermissen lässt. Gemäss Beobachtungen fleissiger Freizeit-Oberseetaler ist ein Augenmerk auf die hinterlassenen Abfälle und unordentlich zurückgelassenen Feuerstellen dringend notwendig.
Ich fürchte, die negativen Folgen der grossen Nachfrage und Frequentierung dürften nicht wirksam vermieden werden, wenn die "Oberseetaler" nicht zur Selbsthilfe greifen und eine Interessengruppe "Pro Obersee" oder wie immer eine solche heissen mag, formieren und aktiv werden.
Lohnen sich Blechlawinen, wilde und chaotische Parkiereien, Abfallrückstände für die touristischen Vorteile? Die diesbezüglichen Probleme im Klöntal sind hinlänglich bekannt. Wird jetzt das Oberseetal zur Ausweichalternative mit ähnlichen zu erwarteten Missständen?
Donnerstag, 30. April 2020
Haarlichäibä
Vu Züri undä bis uff Chuur
und ä nuch daa und dett,
händ-s' Soorgä hütt mit-dr Frisuur
au wä-mes nüg-gad wett.
Ja, d Haar schtönd uuf gad uffem Chragä,
und d Ohrä sind vrteggt,
p Bäärt langed abä bis zum Magä,
as's ander Lüüt vrschreggt.
Vum Määndig aa sig wider offä,
p Frisöörä siged zrugg;
mä kännt äim wider, wäm-mer hoffä,
drum mach vor Freud ä Jugg!
Freitag, 10. April 2020 (Karfreitag)
Tanggä für g Gebuurtstaagswündsch
Si ränned äim schiär d Huustüür ii
und chänd gu gratäliärä.
Si wündsched-dr au wiiterhii,
as-d’ alles magsch preschtiärä!
Si schigged Ii-Mäil, Briäf und Chaartä,
und Ess-Emm-Ess und Wii,
und Bluämäschtrüüss vum äig’nä Gaartä
und vu dr Gäärtnerii.
Herjee, ihr Liäbä, löm-mi tanggä!
Und daas viil tuused Maal!
’s isch alles abä schiär we Anggä,
hätt eeländ gfreut, im Faal!
Samstag, 21. März 2020
g Glosettpapiir-Hamschterer
Gad iätz sind schiint’s d Regaal gad läär,
ds Glosettpapiir gaht uus;
etz chämed Hamschterer derhäär
und nämed d Rollä druus.
Dr Grund sig nämä p Pandemii
wo wältwiit etz grassiärt;
drum chäm’s, as mä dä zletscht gag-glii
ds Papiiir nuch razioniärt.
Des Wichtigscht isch für gwüssnig Lüüt
ä suubers Hindertäil!
Drum losed, wänn’s ech nüggad rüüt,
‘s sind We-Ce Rollä fäil!
Donnerstag, 19. März 2020
Josefstag
In der Kunstgeschichte wird Josef gern als Arbeiter (Zimmermann) dargestellt. Hier auf dem Fresco: "Die heilige Familie im Haus von Nazareth" von Modesto Faustini in der Spanischen Kapelle in der Basilika der Santa Casa in Loreto-
Quelle:
Dr Seppätaag
Hütt fiired gwüssnigi Kantüü
vor allem g Katoliggä.
dr Seppätaag und händ’s dä schüü
und lönd si nämä bligggä.
Ziähvatter isch’r nämä gsii
vum liäbä Jeses-Chind,
will nuch als Bruut p Mariaa nih,
as-s’ ä Famili sind.
Dr Josef pruäfflich Zimmermaa,
Aarbeiter-Schutzpatruu,
Är isch vu allem Aafang aa
zu grossä-n-Ehrä chuu.
In der Ostkirche wurde Josef schon sehr früh verehrt, im Westen dagegen erst ab ca. 850.
In der barocken Ikonografie ist der Tod des heiligen Josef ein beliebtes Thema. So wurde er zum Schutzpatron der Sterbenden. Ausserdem gilt er auch als Schutzpatron der Ehe. Josef war seit 1679 Schutzpatron der Spanischen Niederlande und ist noch immer Schutzpatron Belgiens und der Kroaten. Papst Pius IX. erklärte den heiligen Josef 1870 zum Schutzpatron der katholischen Kirche.
In unseren Gegenden gilt er als Patron der Arbeiter.
In Näfels wurde der Josefstag zeitweilig durch Beschluss der Kirchgemeinde auf Antrag von Melchior Landolt, genannt Tschamper, zum Freitag (ohne Lohn) erklärt und gefeiert. Im Volksmund hiess der Joseftag in Näfels "Tschampersunntig".
Der Josefstag ist gesetzlicher Feiertag in bestimmten katholisch bevölkerten Kantonen.
Kantonsweit in Nidwalden, Schwyz, Tessin, Uri, Wallis. In einzelnen Gemeinden in: Graubünden, Luzern, Solothurn, Zug, auch Fürstentum Liechtenstein.
-------------------------------------------------------------------------------------------------------------------------
Zur Aufheiterung und alle Seppen zur Ehre: "Dr Seppel isch ä braavä Maa"
Schottisch mit Gesang und Gäuerlä mit Sity Domini
siehe https://www.youtube.com/watch?reload=9&v=ObcLymCecFE
Donnerstag, 12. März 2020
g Corona-Viirä gönd um d Wält
Mer sind hütt afed ganz global
und rund um d Wält vrnetzt;
nu isch-es ebä dä fataal,
und alls isch dä entsetzt,
wänn dä-n-äso-n-ä Viirus chunnt
und macht ä Huuffä chrangg,
dr Toggter nümmä naachägchunnt,
und 's fählt äm rächtä Trangg!
Dä chunnt dä-n-alles z hinderfüür
und ds Läbä schtaht schiär schtill,
dä schlüüsst-si dä gad mängi Tüür
und mängä wiirt etz schtill.
-y.
Mittwoch, 19. Februar 2020
Crypto-Crux – Gheimdiänscht
Mä säit doch, d Schwiiz sig schiint’s nüütraal;
chaasch tänggä, o-herjee;
mä gkört, und dernigs isch fataal,
mä häig’s z Zuug ännä gseh.
Si häiged Apäräätli bschissä,
zum chännä schpioniärä;
etz gseh-p-ä hinder de Kulissä
und chaa si etz blamiärä.
Schiint’s d Sii-Äi-Ei (CIA) und Be-En-Dee (BND)
diä häiged gschpioniärt,
daas häigmä gwüsst und doch nüd gseh
etz sim-mer all laggiärt.
Die SRF «Rundschau» brachte mit einer 100-minütigen Sendung die raben-schwarze Story und versuchte Licht ins Dunkel der der grössten Spionagestory aller Zeiten zu bringen. Nun wurden auch politische Kommissionen aktiv. Die eid-genössische Geschäftsprüfungskommission (NR Alfred Heer), die Aussenpoliti-sche Kommission (SR Damian Müller) und selbstverständlich die Parteien for-derten aktiv auf zur Aufklärung bis zum Einsatz einer PUK (Parlamentarische Untersuchungskommission). Sogar ehemalige Bundesräte wie FDP-Bundesrat Kaspar Villiger und CVP-Bundesrat Arnold Koller sind aufgerufen, Red und Ant-wort zu stehen.
Angeblich wurden Verschlüsselungsgeräte weltweit kostspielig verkauft (über 100 Staaten), die aber von der CIA und BND abgehört werden konnten.
Auf jeden Fall kann man sich auf einen «Dauerbrenner» in den Medien gefasst machen. Den Auftakt machte die erwähnte «Rundschau»-Sendung vom 11. Feb-ruar mit der Berichterstattung und Recherchen zur «Operation Rubikon».
Donnerstag, 13. Februar 2020
Nüüt isch mit ghüüratnä Pfärer
Wider isch der Schuss etz dussä
we schu etli Mal,
knaggt sind nämä gaar kä Nussä,
isch daas nüd fataal.
Nüüt mit Frauä und mit Goofä
fürä Priäschterschtand;
Frau wääred gschiider Zofä
schtatt ä ds Pfarers Hand.
Isch ächt ds Pfarhuus nüp-viil z grooss?
Nu gad für-nä Maa?
Ds Room isch nämä nüp-viil loos,
as-s’ chänd Hoochsig haa.
Gemäss Pressemeldung hat Papst Franziskus auf Antrag der Bischofssynode von Amazonien vom Oktober 2019 den Vorstössen für die Ermöglichung der Heirat für Priester und Diakonweihe für Frauen abgelehnt. Die entsprechende Botschaft kann im Wortlaut in deutscher Übersetzung gelesen werden unter:
Mittwoch, 12. Februar 2020
Tüütschland isch äs Rüggtrittsland
Tüütschland hätt äs Duränand
und ä Rüggtrittswällä;
nüüt isch meh mit mitänand,
gkör-p-mä p Mediä bällä!
Äinä laat-si gschpässig wehlä,
nu gad fürnä Taag,
CDU-Frau muäs si kweelä,
und si isch äm Haag.
Fuässballträäner sind entluu,
d Ziitigä sind voll;
mängi Färnsehdiskussiuu...
Häsch au d Nasä voll?
Samstag, 8. Februar 2020
Ut unum sint
Pro und Contra Zölibat
Zwee Päpscht im Huus, das chaa nüd guh
Zwee Pääpscht im Huus, daas chaa nüd guh,
vor allem nüd uff d Duur,
solang si äis sind, gaht daas schuu,
daas wäiss-mä sogaar z Chuur.
Wänn abr deer im Rueeschtand
nüg-gliicher Mäinig isch,
dä chänd-si ebä hind’ränand
äm Häil’gä Schtuäl und Tisch.
Drnaa isch dä dr Tüüfel loos
anschtatt dr Hälig Gäischt;
dä nützt dänn-au käs «Lib’ra noos!»
Sust hilft ja daas dr mäischt.
Mittwoch, 5. Februar 2020
Weisse Weste ins Weisse Haus
Impeachment-Verfahren out!
Mittwoch, 5. Februar 2020
Impiitsch-Vrfarä
Trämp-Trämp-Trämp-Tärädii!
Täätärättätää!
Äntli isch daas Züüg verbi.
Gaht’r iätz dä? Nää!
Trämp-Trämp-Trämp-Tärädoo!
Täätärättätää!
Di äinä sind etz gottäfroh.
Und die and’rä? Nää!
Trämp-Trämp-Trämp-Tärädaa!
Täätärättätää!
Söttigs mömmer nümmä haa.
Mäinded’r ächt? Nää!
Das Impeachmentverfahren ist heute definitiv mit einer Abstimmung abgeschlossen worden.
Nachdem das Repräsentantenhaus mit der Mehrheit der Demokraten mit klarer Mehrheit Amts- und Machtmissbrauch von Präsident Trump als erwiesen ansahen, entschied der Senat mit der Mehrheit der Republikaner für Entlastung Trumps.
In zwei Abstimmungen im Senat wurde Präsident Ronald Trump von Macht- und Amtsmissbrauch freigesprochen.
1. Abstimmung: 52 zu 48; 2. Abstimmung: 53 zu 42.
Wie die Presse berichtet, habe unter den Republikanern ein Stimmberechtigter gegen Trump gestimmt, aus Gewissensgründen.
Sonntag, 2. Februar 2020
Corona-Wiirä
Zum Schtäärbä gitt’s ä Huuffä Gründ,
au wä-mä daas beduuret;
öb mit und odr uhni Sünd
au wä-mä draa vrsuuret.
Vu Chiina chämed nämä Wiirä,
de siged chäibä gfährli;
dr Eermel chännt’s äim inäliirä,
schtiirbsch odr bimä Häärli.
Und öppis isch da draa fataal,
das ghör-p-mä nämä schimpfä,
au Wiirä sind hütt halt globaal,
ga-glii häisst’s: Wider impfä!
Mittwoch, 29. Januar 2020
Isch ächt ä Baum ä nu ä Mändsch?
Mi’ Häärzbaum schtaht äm Obersee
gad hinder-ämä Rangg,
ich heb-nä immer, wän-nä gseh,
schu eebig, Gott säi Dangg!
Deer schtaht schu dett mängs hundert Jahr
mit siinä Nachbersbäum,
hätt äs Gedächtnis sunderbaar
und vilecht ä nuch Träum.
Isch mit dä-n-anderä vernetzt,
gschpüürt vilecht au dr Schmärz,
wachst langsam und isch gar nüd ghetzt,
hätt vilecht gar äs Häärz!
Bäume sind Lebewesen: sie sprechen miteinander, sie helfen einander und sie erziehen ihre Kinder. Das sagt Peter Wohlleben, Förster in einem 4000 Jahre alten Buchenwald in der Eifel. Der Autor hat einen Bestseller über die geheimnisvolle Welt des Waldes geschrieben. Bei seinen Beschreibungen beruft er sich nicht nur auf eigene Beobachtungen, sondern auch auf Forschungsarbeiten verschiedener Universitäten.
Dieser Text kommentiert den Dokumentarfilm von Phoenix. Michael Kron interviewt Peter Wohlleben mitten in einem Buchenwald. Wer die Musse und 35 Minuten Zeit hat, kann dieses Gespräch mitverfolgen unter:
Dienstag, 21. Januar 2020
Ds WEF 2020 z Davoos
Ds Wätter isch doch etz z Davoos,
Zäntrum vu dr Wält,
schtrahlend schüü und au famoos,
bringt und choschtet Gält.
‘s riglet etz nu vu Soldaatä
und vu Polizii;
Bresidäntä, Diplomaatä
puschläwiis drbii !
‘s göng daamaal um Kliimafraagä,
etz müäs öppis guh;
und uff Fordrigä und Chlaagä
häisst’s, äs göng dä schuu.
Donnerstag, 8. Januar 2020
Planeetäwääg ä dr Linth
Mä müässt’s mit Pauggä und Trumpeetä
vrchündä luut un’-gägä Wind,
as z Mullis d Sunnä-n-und Planeetä
äm Wääg derufä uufgschtellt sind.
Zeerscht d Sunnä, Merkuur, Veenus, d Äärdä,
dr Mars, Jupiter ganz genau,
dr Saturn, und dä will’s nüd wäärdä,
nuch Uranus und Neptuun au.
As munzigs Mändschli chaasch nu schtuunä,
we wiit äwääg p Planeetä sind.
Und witt ämaal ä guäti Luunä,
gang au ämal mit Frau und Chind.
Heute wurde der Planetenweg offiziell der Öffentlichkeit vorgestellt! Ein gute Sache!
siehe auch Rubrik "Dies und Das" vom 8. Januar 2020
Donnerstag, 2. Januar 2020 Naanüüjahr
Alt geht, Neu kommt
mit
Trommelklang
Seit Urgedenken ist es Brauch, dass am Silvestermorgen (31. Dezember) das alte Jahr
ausgeläutet wird. In aller Herrgottsfrühe ziehen Buben (heute sicher auch Mädchen) mit Schellen, Glocken, Plumpen, vereinzelt auch mit Hörnern, durch die Strassen und Gassen.
Der "Altjahrabend", so hiess der Silvestertag, war ein "Bettel- und Heischetag", denn die Ausschellner hielten bei Bäckereien, Metzgereien, Beizen und Privaten an und schellten so lange, bis jemand aus dem Bette aufstand und sie mit Krämen oder Wursträdchen, viel-leicht auch mit Tranksame versah. Bei grösster Kälte zogen diese Schellnergruppen durch
das Dorf bis der Morgen graute. Dieses "Silväschterschällnä" ist immer spärlicher geworden
und auf kleine Gruppen geschrumpft. Zwar versuchten die FGN (Freunde der Geschichte von Näfels) unter Präsident Albert Müller-Müller und Vizepräsident Werner Hauser-Felber
diesen alten Brauch zu unterstützen und boten im "Josefsheim" (alte Post) einen Imbiss an.
Seit einigen Jahren neu ist eine neue Gepflogenheit zu Stande gekommen. Der Glarner Tambourenverein lädt Gäste zu einem Nachtessen am Abend von Silvester ein und zieht anschliessend - wie das Bild zeigt - in besonderer Verkleidung trommelnd durch die Stras-sen der Dörfer. Dieses Austrommeln des alten Jahres und Eintrommeln des neuen ist be-reits zu Tradition geworden und bietet kultiviertes Trommelspiel.
(Foto: Altjahrabend- oder Silvestertrommler verbreitet auf Facebook durch den Leiter der Tambouren Philippe Haller, der die Foto von Stefan Hösli ins Netz gestellt hat)
Die Publikation hier sei ein herzliches Dankeschön an die wetter- und nachtgewohnten
jungen Tambouren.
Uustrummälätä und Iitrummälätä
Äm Altjahraabed i dr Nacht,
bi jedem Wind und Wätter,
wird nuchämal Tärämmtämm gmacht,
ja, mit Tambuurä-Gschmätter.
Si laufed stramm i Gliid und Räih,
mä gkört-s' vu wiitem schuu;
ä groossi Trummälä-n-äm Bäi,
mä gseht-s' dä plötzli chuu.
Si schlönd uf alls, wo etz verbii,
äm letschtä Taag im Jahr;
und wegged dä des nüü gag-glii,
isch daas nüd wunderbar?
**************************************
"Agätäbroot und Füürälihäiss"
**********************************
Samstig, 20. Abrillä 2024
Wer p Fänschter butzt, vrgrössäret sini Privaatsphäärä.
Abrillä oder Ooschter-Munet
Dr Schoggihaas chunnt im Abrill, wo-n-iich dä gäärä-n-ässä will.